اهم حاجه انت محتاجها عشان تكون دكتور ناجح
عاوز تكون دكتور ناجح؟مهندس ناجح؟محاسب ناجح؟
عاوز تكون ناجح ف اي مجال ايا كان ايه هو؟
"اكيد هتقولي "طبعا مفيهاش كلام....اي واحد نفسو طبعا يكون ناجح
بس تقدر تقولي ازاي هتبقا ناجح؟
اكيد اول اجابه هتخطر علي بالك "هذاكر كويس جدا ومش هضيع وقت" ودي اجابه صحيحه طبعا ولكن في حاجه مهمه انت مش واخد بالك منها
تخيل معايا ذاكرت كويس جدا وطلع عينك ولكن جيت ف الامتحان اتوترت فغلطت ف حاجات كتير مكنش المفروض تغلط فيها؟
طب تخيل معايا كنت ف الامتحان وبرغم ان قصادك تلت ساعات مثلا تحل فيهم ولكن انت حاسس ان الوقت عمال يعدي بسرعه ومفيش بركه فيه؟
طب يعم تخيل معايا انك حليت كويس جدا وكمان الوقت كفاك وزياده ولكن للاسف بعد ما النتيجه ظهرت لقيت درجه اقل من اللي انت كنت متوقعها؟ وغيرها وغيرها من اشكال عدم التوفيق
تقدر تقولي فادتك في ايه المذاكره؟
ده مش معناه اني بقولك متذاكرش....لا يا جدع طبعا مش قصدي كده
اللي قصدي عليه وعاوز اوصلهولك انك لازم تقدم ربنا علي اي حاجه
تخلي صلاتك وقرانك اهم من مذاكرتك نفسها .....تتقي ربنا في نفسك وفي اهلك وفي مالك..وغيرو
وتذاكر برضو وتتعب جامد عشان تروح الامتحان وربنا يوفقك فيه ويباركلك في وقتك وتجيب الدرجه اللي نفسك فيها واحسن كمان وطالما تعبت وعملت اللي عليك صدقني ان شاء الله ربنا هيوفقك
"ان الله لا يضيع اجر من احسن عملا"
Comments
Post a Comment