Abu Bakr MCQ
السلام عليكم ازيكم ي شباب جايين نكلمكوا انهارده عن برنامج مهم هيفرق معاك ف مذاكرتك للموديول دا و الموديولات الجاية ان شاء الله
البرنامج اسمه Abu Bakr MCQ البرنامج دا موجود حاليا علي البلاي ستور و ممكن تحمله ببلاش
هو اي البرنامج دا؟
Abu Bakr MCQ دا برنامج فيه اسئله في كل المواد الي بناخدها من اول ما ندخل الكليه لحد ما نتخرج ان شاء الله
البرنامج من تصميم طلبه ف كلية طب عين شمس ( جزاهم الله كل خير) و البرنامج طبعا علي النظام القديم
ازاي استخدم الابليكيشن
اول ما تفتح الابليكيشن هيظهرلك الواجهة الرئيسية (الي ف الصوره)
متقسمة للخمس سنين
سنة اولى و تانية ( اناتومي - بايو - هستو - فسيولجي)
سنة تالته ( فارما - باثو - ميكرو - بارا)
دي المواد الاكاديميك الي هندرسها ف اول سنتين و نص
لما تختار المادة الي انت عايزها هتختار الشابتر الي عايز تحل عليه و هتلاقي كم كويس جدا و كافي على الشابتر كله و هتخرج حافظ المادة فعلا
مميزات الابليكيشن
1- كم الاسئله الكويس جدا إلى مش بيقل عن 100 سؤال على كل شابتر
2- تعدد مصادر الاسئله الي موجودة في الابليكيشن و دا كويس عشان لما تلاقي في الامتحان سؤال مشفتوش قبل كدا مش هتتفاجئ و هتعرف تركز و تحل السؤال لأنك متعود انك تحل من اكتر من مكان مش بس أسئلة القسم
3- الاسئله الموجودة بيجي منها ف الامتحانات و انت لما تفتح هتشوف بنفسك أسئلة كانت موجودة ف امتحانات اخر سانتين و البرنامج من 2013 ف انت هتكون بتحل اسئله بنسبة كبيره ممكن تلاقي زيها في الامتحان مش اسئله معقدة من المريخ و خلاص
4- الابليكشين مجانا تماما و من غير اعلانات ولا اي حاجة
عيوب الابليكيشن
1- الابليكيشن متصمم على النظام القديم مش على نظام الموديولات بس سهل توصل للشابتر الي عايز تذاكره
2- البرنامج حاليا موجود علي جوجل بلاي بس للاسف مفيش نسخة للايفون (( المفروض كانت في نسخة للايفون بس مش موجودة حاليا على الاب ستور بنحاول نتواصل مع صاحب البرنامج و نجبها))
3- طبعا بيبقي في فروق بين اي كليتين ف ممكن تلاقي أسئلة لسه مخدتهاش او معلومات مش عليك دا عادي جدا لأن البرنامج مصممه طلبه من عين شمس
و اخيرا تقدر تحمل البرنامج من هنا
Comments
Post a Comment